Environice hefur tekið saman nokkrar „Umhverfislegar álitsgerðir“ og minnisblöð að beiðni mismunandi aðila. Viðfangsefnin eru margvísleg en oftast er tilgangurinn sá að leggja grunn að vandaðri ákvörðanatöku. Þannig hafa til að mynda sveitarfélög fengið aðstoð við gerð umsagna um starfsleyfisumsóknir fyrirtækja og gerð athugasemda við mat á umhverfisáhrifum, svo eitthvað sé nefnt. Önnur verkefni hafa snúist um árangursmat verkefna, umhverfislega áhættu fyrirhugaðra fjárfestinga, grunnreglur fyrir grænar lánveitingar og þar fram eftir götunum.
Verkefni af því tagi sem hér um ræðir eru iðulega eingöngu ætlaðar til innri nota og því ekki birtar opinberlega.
Listinn hér að neðan gefur vísbendingu um viðfangsefnin.
Dæmi um „umhverfislegar álitsgerðir“:
- Minnisblað um sjálfbæra skógrækt skv. Taxonomyreglugerð ESB (Landvernd 2025)
- Minnisblað um matsáætlun vegna fyrirhugaðs landeldis á Grundartanga (Hvalfjarðarsveit 2025)
- Minnisblað um umsókn um leyfi til vísindarannsókna í Hvalfirði (Hvalfjarðarsveit 2025)
- Minnisblað um valkosti í meðferð lífúrgangs á Norðurlandi vestra (SSNV 2024)
- Mat á árangri verkefnisins Loftslagsvænn landbúnaður (Matvælaráðuneytið 2024)
- Minnisblað um íslenska losunarstuðla í samanburði við hin Norðurlöndin (Green Producers Club 2024)
- Minnisblað um framtíð Vakans (Ferðamálastofa 2023)
- Úttekt á afdrifum drykkjarferna (Úrvinnslusjóður 2023)
- Greining á gildandi áætlunum í málaflokkum samgöngu- og sveitarstjórnarráðuneytisins (SRN 2024)
- Framleiðsla sólarkísils í fyrirhugaðri verksmiðju Silicor Materials – (Hvalfjarðarsveit, 2014)
- Er olíuvinnsla á Drekasvæðinu góð hugmynd? – (Vinstrihreyfingin Grænt Framboð, 2014)
- Sæstrengur til raforkuflutninga – (Atvinnuvegaráðuneytið, 2012)
